مەسروور بارزانی: مەترسییا تیرۆرێ ل دەڤه‌رێ مایە
شیرەتکارێ جڤاتا ئاساییشا ھەرێما کوردستانێ راگەھاند؛ باشترین رێ بۆ بدەستڤەئینانا سەقامگیریێ بجھئینانا دەستووری یە، دوپات ژی کر کو مەترسییا تیرۆرێ ل دەڤەرێ مایە.
مەسروور بارزانی شیرەتکارێ جڤاتا ئاساییشا ھەرێما کوردستانێ ئەڤرۆ پێشوازی ل مەکسیم ماکسیمۆڤ بالیۆزێ رۆسیا ل ئیراقێ کر، د ھەڤدیتنەکێ دا ھەردو ئالیان تەئکید ل پێشڤەبرنا پەیوەندیێن دوقۆلی د ناڤبەرا ھەرێما کوردستانێ و رۆسیا دا کر.
ھەروەسا بالیۆزێ رۆسیا خوەشحالیا خوە ب پێشڤەبرنا دانوستاندنێن د ناڤبەرا ھەولێر و بەغدایێ دا نیشاندا و خواست ھەلبژارتنێن عیراقێ و ھەرێما کوردستانێ ب سەرکەفتیانە ب رێڤە بچن و ببن دەستپێکا قۆناغەکا نوو بۆ چارەکرنا تەڤ کێشەیان.
ژ ئالیێ خوەڤە مەسروور بارزانی دیارکر: ھەرێما کوردستانێ ڤیتۆ ل سەر چ لیست و ئالیەکی نینە و تەئکید کر و کو ھەرێما کوردستانێ پابەندبوون ب دەستووری و بجھئینانا وی، ب رێ چارە بۆ دەستڤئینانا سەقامگیریێ دبینیت و گۆت ژی: تا نھا مەترسییا تیرۆرێ ل دەڤەرێ مایە، کو ل ڤێ داویێ و ل ھندەک دەڤەران چالاکی کرینە.
