ئێکەتییا ئەورۆپا دێ ھاریکارییا پێشڤەبرنا سێکتەرێ ئێمناھییا ھەرێمێ کەت

نڤیسینگەھا تیمێ ئێکەتییا ئەورۆپا بۆ چاکسازیێ د وارێ ئاساییشێ دا ل ئیراقێ راگەھاند؛ وان ل بەرە د پێشڤەبرنا سێکتەرێ ئێمناھیێ دا ھاریکارییا ھەرێما کوردستانێ بکەن.
مەسروور بارزانی شیرەتکارێ جڤاتا ئاساییشا ھەرێما کوردستانێ د گەل مارکس ریتەر بەرپرسێ نڤیسینگەھا تیمێ ئێکەتییا ئەورۆپا بۆ چاکسازیێ د وارێ ئاساییشێ دا ل ئیراقێ کۆمبوو، تێدا شاندا ئێکەتییا ئەورۆپا بەحس ل کارێ خوە کر و گۆت: ئارمانج ژ سەرەدانا وان د وارێ ئێمناھیێ و رێکخستنا وێ دا ھاریکارییا ھەرێما کوردستانێ بکەن.
ژ ئالیێ خوە مەسروور بارزانی بەحس ل رەوشا ئاساییشا ھەرێما کوردستانێ کر و گۆت: ئاساییش تا رادەیەکێ باش ل ھەرێما کوردستانێ ل ھەمبەر دەڤەرێن دی یێن ئیراقێ یا بەرقرارە، ھەروەسا بەرھەڤی و ھاریکارییا ھەرێما کوردستانێ ژی ب مەبەستا مفا وەرگرتن ژ ھاریکاری و ئامۆژگاریێن تیمێ ئێکەتییا ئەورۆپا نیشان دا.