سەرۆکوەزیر بارزانی و بالیۆزێ ئەمریکا دوپاتی ل هەماهەنگیێ کر
سەرۆکوەزیرێ هەرێما کوردستانێ و بالیۆزێ ئەمریکا ل ئیراقێ کۆم بوون و دوپاتی ل هەماهەنگییێ و رێگریکرنا دوبارە سەرهلدانا داعشێ کر.
نێچیرڤان بارزانی، سەرۆکوەزیرێ هەرێما کوردستانێ ب ئامادەبوونا جێگرێ خوە، قوباد تالەبانی، ئەڤرۆ ئێڤارێ پێشوازی ل دۆگلاس سیلیمان، بالیۆزێ ئەمریکا ل ئیراقێ و کێن گرۆس، کۆنسولێ ئەمریکا ل هەرێمێ کر و مەترسییا دوبارە سەرهلدنا رێکخستنا تیرۆرستی یا داعشێ و رێگریکرنا توندوتیژیێ ل دەڤەرێ گۆتوبێژ کر و هەردو ئالی ل سەر گرنگییا هەماهەنگیەکا باشتر هەڤرا بوون.
د هەمان کۆمبوون دا، بالیۆزێ ئەمریکا دەستخوەشی ل سەرۆکوەزیر بارزانی و حکمومەتا هەرێما کوردستانێ کر و رۆلێ وان یێ گرنگ و پێدڤی د بزاڤێن چارەکرنا کێشەیێن ئیراقێ دا بلند نرخاند.
ژ ئالیێ خوە ڤە ژی سەرۆکوەزیر بارزانی سوپاسیا بالیۆز و قۆنسولێن ئەمریکا کر، کو واشنتۆن هەردەم پشتەڤانا هەولێرێ د چارەکرنا ئاشتیانە یا کێشەیێن هەرێمێ د گەل حکومەتا بەغدایێ دا بوو.
