سەرۆک بارزانی پیرۆزباهی ل سەرۆکوەزیرێ مەجەرستانێ کر

هێمن هەورامی سەرەدانا قۆنسولخانەیا مەجەرستانێ کر و پیرۆزباهیێن سەرۆک بارزانی گەهاندن.
هێمن هەورامی، شیرتەکارێ سەرۆک بارزانی یێ کاروبارێن سیاسی و پەیوەندییان ب رێیا تۆرا جڤاکی یا ئینستاگرامێ راگەهاند: وی ئەڤرۆ سەرەدانا قۆنسولخانەیا مەجەرستانێ ل هەولێرا پایتەختا هەرێما کوردستانێ کر و پیرۆزباهێێن سەرۆک مەسعوود بارزانی ب هەلکەفتا سەرکەفتنا ڤیکتۆر ئۆربان، سەرۆکوەزیرێ مەجەرستانێ د هەلبژارتنێن بووری دا گەهاندن.
ڤیکتۆر ئۆربان هەڤدەم سەرۆکێ پارتییا گەل یا دیمۆکرات یا کریستیانانە و هەفتییا بووری د هەلبژارتنێن پەرلەمانێ مەجەرستانێ دا بۆ جارا سێیێ ژ دوهزار و دەهێ تا نها وەک سەرۆکوەزیرێ وی وەلاتی هاتە هەلبژارتن.