مه‌لا به‌ختیار‌: دێ هه‌موو مولكێ ئێكه‌تیێ ژ ئالیگرێن به‌رهه‌م سالحی وه‌رگرین

به‌رپرسێ ده‌سته‌یا كارگێری یا مه‌كته‌با سیاسی یا ئێكه‌تییا نشتیمانی راگه‌هاند؛ دێ هه‌موو مال و مولكێ ئێكه‌تیێ ژ به‌رپرس و ئه‌ندامێن پشته‌ڤانییا به‌رهه‌م سالحی دكه‌ن هێته‌ وه‌رگرتن.
مه‌لا به‌ختیاری بۆ ده‌نگێ ئه‌مریكا گۆت: د دوماهی كۆمبوونا مه‌كته‌با سیاسی دا بریار هاته‌ دان كو به‌رهه‌م سالح ژ رێزێن ئێكه‌تیێ بهێته‌ ده‌رخستن، گاڤا د دووڤ دا ژی دێ هه‌موو مال و مولكێ ئێكه‌تیێ ژ به‌رپرس و ئه‌ندامێن ئێكه‌تیێ یێن پشته‌ڤانییا به‌رهه‌می دكه‌ن هێته‌ وه‌رگرتن.
گۆت ژی: بنیاتێ هه‌موو شكه‌ستنێن حكومه‌تا هه‌رێمێ بۆ حكومڕانییا به‌رهه‌م سالحی ڤه‌دگه‌ریت ده‌ما كو ئه‌و سه‌رۆكوه‌زیر، وی هنده‌ك كار كرن كو تا نها ژی حكومه‌تا هه‌رێمێ باجا وان دده‌ت.
ده‌رباره‌یی چاره‌نڤیسێ نه‌جمه‌دین كه‌ریمی ژی، مه‌لا به‌ختیاری دا زانین: كۆنگرێ ئێكه‌تییێ دێ چاره‌نڤیسێ وی ئێكلاكه‌ت، لێ پێدڤییه‌ ئه‌و بخوه‌ چاره‌نڤیسێ خوه‌ روونتر بكه‌ت.