موقتەدا سەدری ھوشداری دا ئەمریکا

رێبەرێ رەوتا سەدر ل ئیراقێ ھوشداری دانە ئەمریکا و راگەھاند؛ گەر پیرۆزیێن وان کەفتنە بەر مەترسیێ دەستان داناھێلن.
موقتەدا سەدر رێبەرێ رەوتا سەدر ل ئیراقێ د بەرسڤا ئالیگرەکێ خوە دا ل دۆر گەفێن ئەمریکا ل سەر سووریێ دیارکر: داخۆیانیێن دۆنالد ترامپی سەرۆکێ ئەمریکا یێن ئازراندنێ نە و دێ دەڤەرێ بەر ب کارەساتێ بەت.
سەدری گۆت ژی؛ ئەو یێ بەرھەڤە دگەل حکومەتا ئیراقێ بەرگریێ ژ رۆژئاڤایێ وەلاتی بکەت، بۆ وێ یەکێ ژ شەرێ ئەمریکا وداگیرکرنا وێ ل سووریێ دوور بکەڤن، ھەروەسا ھوشداری دانە ئەمریکا و دوپات کر، گەر پیرۆزیێن وان کەفتنە بەر مەترسیێ دەستان داناھێلن و داخواز ژ گەلێ سووریێ کر دەستێوەردانا ئەمریکا رەتبکەن بۆ وێ یەکێ کارەساتێن ب سەرێ گەلێ ئیراقێ ھاتین ل وێرێ دوبارە نەبن.