نێچیرڤان بارزانی دێ سه‌ره‌دانا به‌غدا كه‌ت

بریاره‌ د چه‌ند رۆژێن بهێت دا شانده‌كا بلندا هه‌رێمێ ب سه‌رۆكاتییا نێچیرڤان بارزانی سه‌ره‌دانا به‌غدا بكه‌ت و به‌رده‌وامیێ بده‌ته‌ دانوستاندنێن چاره‌كرنا كێشه‌یان.
سه‌میر هه‌ورامی سكرتێرێ رۆژنامه‌ڤانی یێ قوباد تاله‌بانی جێگرێ سه‌رۆكوه‌زیرێ هه‌رێمێ بۆ وار راگه‌هاند؛ د چه‌ند رۆژێن بهێت دا دێ شانده‌كا بلندا حكومه‌تا هه‌رێما كوردستانێ ب سه‌رۆكاتییا نێچیرڤان بارزانی سه‌رۆكوه‌زیرێ هه‌رێمێ و جێگرێ وی قوباد تاله‌بانی، سه‌ره‌دانا به‌غدا كه‌ت و ل گه‌ل حه‌یده‌ر عه‌بادی سه‌رۆكوه‌زیرێ ئیراقێ و به‌رپرسێن دی یێن حكومه‌تا ئیراقێ كۆمبن.
گۆت ژی: شاندا هه‌رێمێ دێ ل گه‌ل به‌رپرسێن حكومه‌تا فیدرال، بریار و پێشنیازێن لژنه‌یێن هونه‌ری یێن هه‌ولێر و به‌غدایێ گۆتوبێژ كه‌ت و باس ل پشكا هه‌رێمێ ژ بودجه‌یی و بابه‌تێ په‌ترۆلا هه‌رێمێ كه‌ت.
ب گۆتنا هه‌ورامی، تا نها ژڤانێ دروست یێ سه‌ره‌دانێ نه‌هاتییه‌ دیار كرن، لێ بریاره‌ ئه‌و سه‌ره‌دان د چه‌ند رۆژه‌كێن نێزیك دا بهێته‌ كرن.