ل زاخو پارتى ب ئاهه‌نگه‌كێ لیستا خوه راگه‌هاند
محه‌مه‌دسدیق
ئه‌ڤرو بانگه‌شه‌یا هه‌لبژارتنان بو جڤاتا نوینه‌رێن عیراقێ ده‌ستپێكر، ل زاخو و بڤێ هه‌لكه‌فتێ و راگه‌هاندنا لیستا 184 یا پارتى ل هولا ره‌وشه‌نبیرى و هونه‌رى و ب ئاماده‌بوونا د.عه‌لى ته‌ته‌ر به‌رپرسێ لقێ هه‌شت یا پارتى دیموكراتى كوردستان و هه‌ژماره‌كا پێشمه‌رگه و خه‌لكێ ده‌ڤه‌رێ، ئاهه‌نگه‌كا جه‌ماوه‌رى یا به‌رفره‌ه هاته سازكرن و تێدا هه‌ر 5 به‌ربژێرێن پارتى ل سنورێ قه‌زا زاخو خوه پێناسه و پێشكێشى ئاماده‌بوویان كرن، پاشى د په‌یڤه‌كێدا به‌رپرسێ لقێ هه‌شت ته‌كه‌زى ل هێز و خزمه‌تا پارتى كر و راگه‌هاند، ژبه‌ركو پارتى هێزه‌كا سه‌ره‌كى و مه‌زن بییه ل كوردستانێ و خه‌لك و مێژوویا پارتى هه‌مى شاهدن ل سه‌ر ڤێ یه‌كێ، پارتى پێدڤى ب ریكلامێ نینه به‌لكو ب كریار یا سه‌لماندى پارتى دیموكراتى كوردستان شیایه چه‌ند خزمه‌ت و قوربانیدانێ پێشكێشى خه‌لكێ خوه بكه‌ت و د ئه‌ڤرودا بهێزبوونا پارتى بهێزبوونا پێگه‌ها هه‌رێما كوردستانێ یه، هه‌روه‌سا گرنگیا هه‌بوونا وێ ژى بو پرسا كوردى ژ هه‌مى ئالیێن سیاسى و ئابوورى و مێژوویى و جوگرافى ژى ڤه ئینایه زمان، و لدوماهیێ ژى داخوازكر ب هه‌مى هێز و شیان و ژ دله‌كێ پرى وه‌فا و كوردایه‌تى ده‌نگى ب لیستا پارتى یا ژماره 184 ێ بده‌ن ولیستا پارتى د هه‌لبژارتنێن جڤاتا نوینه‌راندا سه‌ركه‌فتنه‌كا مه‌زن تومار بكه‌ت.
