پارتی دەست ب کەمپینا خوە یا ھەلبژارتنێن جڤاتا نوونەران کر

پارتییا دیموکراتا کوردستانێ، ل ھەولێرێ دەست ب کەمپینا خوە یا بانگەشەیا ھەلبژارتنێن جڤاتا نوونەرێن ئیراقێ کر و تێدا جێگرێ سەرۆکێ پارتی راگەھاند؛ پارتی ب ھێزەکا مەزن ڤە دێ چیتە بەغدا.
پارتییا دیموکراتا کوردستانێ ب ئامادەبوونا نێچیرڤان بارزانی جێگرێ سەرۆکێ پارتی و ژمارەیەکا سەرکردەیێن وێ پارتیێ، ئەڤرۆ ل ھەولێرێ دەست ب کەمپینا خوە یا بانگەشەیا ھەلبژارتنێن جڤاتا نوونەرێن ئیراقێ کر، تێدا جێگرێ سەرۆکێ پارتی بەحس ل بەرنامەیێ پارتی بۆ ھەلبژارتنێن جڤاتا نوونەران کر و گۆت: پارتی ئێکگرتی و ئێک دەنگە.
نێچیرڤان بارزانی ھەلبژارتنێن جڤاتا نوونەرێن ئیراقێ ب گرنگ ناڤکرن و گۆت: ھندی پارتی یا ب ھێز بیت، دەستکەفتێن زێدەتر دێ بۆ ھەرێما کوردستانێ مسۆگەر بن.