نه‌سر ل ئیراقێ و پارتی ل كوردستانێ دێ هێزێن ئێكێ بن

سازییا رافیده‌ین یا دیالۆگێ راپرسیه‌ك ل دۆر ئه‌نجامێن هه‌لبژارتنێن بهێت یێن په‌رله‌مانێ ئیراقێ به‌لاڤكر و راگه‌هاند؛ ل ئیراقێ لیستا نه‌سر یا عه‌بادی و ل كوردستانێ پارتی دیموكراتی كوردستان دێ هێزێن ئێكێ بن.
سازییا رافیده‌ین راپرسییا خوه‌ ل هه‌موو باژارێن ئیراقێ و هه‌رێما كوردستانێ كرییه‌ و تێدا دیاربوویه‌ كو لیستا نه‌سر یا حه‌یده‌ر عه‌بادی سه‌رۆكوه‌زیرێ ئیراقێ، دێ بیته‌ لیستا ئێكێ و پترییا ده‌نگان بده‌ستڤه‌ئینیت و ل سه‌ر ئاستێ سوننه‌یان ژی، لیستا هه‌ڤپه‌یمانییا نشتیمانی یا ب سه‌رۆكاتییا ئه‌یاد عه‌لاوی دێ پترییا ده‌نگان به‌ت.
ل هه‌رێما كوردستانێ ژی، پارتی دیموكراتی كوردستانێ دێ وه‌كو هێزا ئێكێ مینیت و بیست و چوار كورسیێن په‌ڕله‌مانی بده‌ستڤه‌ئینیت.