دكتور عه‌لى ته‌ته‌ر به‌رپرسێ لقى 8 كومبوونه‌كا پارتایه‌تى ل باره‌گایێ لقى 8 گرێدا
دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یا پارتى دیموكراتى كوردستان دگه‌ل هه‌ژماره‌كا پێشمه‌رگێن دێرین و هه‌لگرێن مه‌دالیا بارزانى و كادرێن پێشكه‌فتیێن له‌شكه‌رى كومبوو، دڤێ كومبوونێ دا به‌رپرسێ لقێ ئاماژه ب خه‌بات و قوربانیدانا پارتى دا و راگه‌هاند، پارتى د روژێن سه‌خت و دژوار دا خه‌باتكریه ژ بو بده‌ستڤه‌ئینانا مافێن ره‌وایێن گه‌لێ كوردستانێ و كیمیا باران و ئه‌نفالكرن و جینوساید ب چاڤێن خوه دیتینه و خه‌بات كریه پێخه‌مه‌ت پاراستن و ده‌ستڤه‌ئینانا هیڤى و ئارمانجێن گه‌لێ مه و ئه‌ڤرو ژى بخوینا هزاران شه‌هیدان و خه‌باتا وه ئه‌م بینه خودان ده‌ستكه‌فت و حكومه‌ت و سه‌نگه‌كا بهێز مه هه‌یه د گوره‌پانا ناڤخوه‌ى و جیهانى دا و ب ده‌وله‌ت سه‌رێ رێڤه‌برنا سه‌ركردایه‌تیا پارتى و سیاسه‌تا راست و دروست، پاشى دكتور عه‌لى ته‌ته‌ر به‌حسێ ره‌وشا سیاسى یا هه‌نوكه‌یى ل هه‌رێما كوردستانێ و رولێ سه‌ركردایه‌تیا كوردستانێ د چاره‌كرنا ئاریشه‌یێن د ناڤبه‌را هه‌رێم و به‌غدایێ دا و مافێن گه‌لێ كوردستانێ و لدویف ده‌ستوورى ئینات زمان، پاشى به‌حسا هه‌للژارتنان كر و گوت، هه‌لبژارتنێن داهاتى یێن جڤاتا نوێنه‌رێن عیراقێ زوور د گرنگن بومه و پێدڤییه ئه‌م هه‌مى كاربكه‌ین بو سه‌ر ئێخستنا پروسێسا هه‌لبژارتنان و وه‌لاتیان هانبده‌ین ل روژا ده‌نگدانێ قه‌ستا سندوقێن ده‌نگدانێ بكن وده‌نگى ژى ب لیستا ژماره 184 یا پارتى و به‌ربژێرین وێ بدن ژبه‌ركو تاكه لیسته به‌رگریێ ژ مافێن گه‌لێ كوردستانێ بكه‌ت
