ڤێ هه‌فتیێ دێ مووچه‌یێ وه‌زاره‌تا پێشمه‌رگه‌ی هێته به‌لاڤ كرن
بریاره د ڤێ هه‌فتیێ دا مووچه‌یێ وه‌زاره‌تا پێشمه‌رگه‌ی بهێته به‌لاڤ كرن و به‌رپرسه‌كێ وه‌زاره‌تا پێشمه‌رگه‌ی ژی دبێژیت: هێشتا دیار نینه مووچه دێ ب سیسته‌مێ نوو یان ژی كه‌ڤن هێته دان.
لیوا قاره‌مان شێخ كه‌مال جێگرێ سه‌رۆك ئه‌ركانێ ئۆپه‌راسیۆنێن تایبه‌ت بۆ وار راگه‌هاند؛ د ڤێ هه‌فتیێ دا دێ دابه‌شكرنا مووچه‌یێ وه‌زاره‌تا پێشمه‌رگه‌ی ژ دانا مووچه‌یێ لیوایان ده‌ستپێكه‌ت و پاشان دێ یه‌كه‌یێن حه‌فتێ و هه‌شتێ و یه‌كه‌یێن دی مووچه‌یێ خوه وه‌رگرن.
گۆت ژی: پاره‌یێ ئه‌مریكا یێ هاریكارییا هێزێن پێشمه‌رگه‌ی گه‌هشتییه هه‌ولێرێ، لێ هێشتا دیار نینه مووچه دێ ب سیسته‌مێ نوو یان ژی كه‌ڤن هێته دان.
پشتی كو ل مه‌ها بووری حكومه‌تا ئیراقێ كوژمه‌كێ پاره‌یی بۆ مووچه‌یێ فه‌رمانبه‌ران هنارتییه هه‌ولێرێ، حكومه‌تا هه‌رێمێ گهۆرین د سیسته‌مێ مووچه‌یێ فه‌رمانبه‌ران دا كر و پاشكه‌فت كێمكر، لێ هێشتا مووچه‌یێ وه‌زاره‌تا پیشمه‌رگه‌ی نه‌هاتییه دان و ناهێته زانین كا گهۆرین د پاشكه‌فتا مووچه‌یێ وان ژی دا كرییه یان نه.
