حكومه‌تا هه‌رێمی به‌رسڤا وه‌زاره‌تا ده‌رڤه‌یا ئه‌مریكا دا
حكومه‌تا هه‌رێما كوردستانێ به‌رسڤا راپۆرتا سالانه یا وه‌زاره‌تا ده‌رڤه‌یا ئه‌مریكا دا و راگه‌هاند؛ خوه‌نیشاندانێن ڤێ داوییێ یێن هه‌رێما كوردستانێ د بێ مۆله‌تا یاسایی بوون.
نڤێسینگه‌ها به‌رسڤدانا راپۆرتێن نێڤده‌وله‌تی یا حكومه‌تا هه‌رێمێ، د راگه‌هاندنه‌كێ دا به‌رسڤا راپۆرتا سالانه یا وه‌زاره‌تا ده‌رڤه‌یا ئه‌مریكا دا و ل ده‌ستپێكێ سوپاسییا وه‌زاره‌تا ده‌رڤه كر كو په‌سنا هه‌لوه‌ستێن حكومه‌تا هه‌رێمێ د وه‌رگرتن و چاڤدێریكرنا ئاواره‌یان دا كرییه.
ده‌رباره‌ی خوه‌نیشاندان ژی دیاركرییه، كو خوه‌نیشاندانێن ڤێ داوییێ یێن هه‌رێما كوردستانێ د بێ مۆله‌تا یاسایی بوون و ژماره‌كا خوه‌نیشانده‌ران ل ده‌ڤه‌رێن جودا هێرشی هێزێن ئێمناهیێ كرییه له‌و هاتینه گرتن.
دایه زانین ژی كو حكومه‌تا هه‌رێمێ خوه‌نیشاندانێن ئاشتیانه و مۆله‌ت پێ دای ب مافێ هه‌ر كه‌سه‌كی دزانیت و د هه‌موو ره‌وشان ژی دا، حكومه‌تێ ل گۆره‌ی یاسایێ سه‌ره‌ده‌ری كرییه.
