نووچه
كێشا مووچه‌یێ پاسه‌وانان هاته چاره‌كرن
وه‌زیرێ ناڤخوه‌یی حكومه‌تا هه‌رێما كوردستانێ بریاردا مووچه‌یێ پاسه‌وانان ل گۆره‌یی سیسته‌مێ نوو بهێته دابه‌شكرن و بریاره ل ده‌ستپێكا مه‌ها بهێت مووچه‌یێ وان بهێنه به‌لاڤ كرن.
ژێدەرەکی ژ نڤێسینگەها وەزیرێ ناڤخو یێ حکومەتا هەرێما کوردستان بۆ وار راگەهاند؛ ئەڤرۆ كه‌ریم شنگالی وەزیرێ ناڤخو یێ حكومه‌تا هه‌رێمێ بریار دا کو مووچەیێ یەکەیا پاسەوانان ل دەسپێکا مه‌ها بهێت ل گۆرەی سیستەمێ نوویێ پاشکەفتا مووچەی بهێته دابەش کرن.
گۆت ژی: نها کار ل سەر لیسته‌یێن وان دهێتە کرن و تا دوماهییا مه‌هێ دێ لیسته‌یێن وان ب داوی هێن و ده‌ست ب دابه‌شكرنا مووچه‌یی هێته كرن.
ئه‌ڤه د ده‌مه‌كی دایه كو به‌رییا 2 رۆژان، ل سەر فه‌رمانا نێچیرڤان بارزانی سه‌رۆكوه‌زیرێ هه‌رێما كوردستانی، كۆژمێ 2 ملیار دیناران ژبۆ وەزارەتا ناڤخو هاتبوون زێده‌کرن.
