هه‌لبژارتنێن ڤێ جارێ چاره‌نڤیسسازن
پارتى دیموكراتى كوردستان، ل سه‌ر بانگه‌شه‌یا لیستا خوه سه‌د و هه‌شتێ و چار به‌رده‌وامه و ئه‌ڤرۆ ژى ل هه‌ولێرێ مه‌سروور بارزانى، ئه‌ندامێ مه‌كته‌با سیاسی یا پارتى دیموكراتى كوردستان پشكدارى ئاهه‌نگا بانگه‌شه‌یا پارتى بوو و راگه‌هاند؛ پشكدارییا گه‌نج و لاو و قوتابییان د هه‌لبژارتنێن جڤاتا نوونه‌رێن ئیراقێ دا چاره‌نڤێسسازه. مه‌سروور بارزانى راگه‌هاند ژى ئه‌ڤ هه‌لبژارتنه ته‌حه‌دانه و ب ئه‌گه‌را خیانه‌تا چه‌ند لایه‌نه‌كان د رێفراندۆمێ دا ئه‌و ئه‌نجامێن كوردستانییان دخواستن ب ده‌ستڤه‌نه‌هاتن، لێ ئه‌ڤه رامانا وێ نا گه‌هینیت كو دێ رێگرى ل هه‌مبه‌ر ب ده‌ستخستنا وى مافێ چاره‌نڤێساز هه‌بیت.هه‌روه‌سا راگه‌هاند ژى، ده‌ما ریفراندۆم هاتییه كرن هه‌موویان زانین كو نه‌شێن رێگریێ بكه‌ن، چوونه سه‌ر سندۆقێن ده‌نگدانێ و هه‌ڤركى ل سه‌ر ده‌ركه‌فتنێ ل سه‌ر شاشه‌یان دكرن، نها ژى هه‌ر ئه‌و ب خوه بوونه ئه‌گه‌رێ پاشخستنا بده‌ستڤه‌هاتنا به‌رهه‌مێ ده‌نگێن هه‌وه. هه‌روه‌سا مه‌سروور بارزانى، ئه‌ندامێ مه‌كته‌با سیاسییا پارتى دیموكراتى كوردستان راگه‌هاندژى؛ پارتى خه‌مخۆرا پاشه‌رۆژا كوردستانییانه و زێده‌تر ژ هه‌موو ئالییان خه‌باتێ دكه‌ت بۆ پاشه‌رۆژا خه‌لكێ هه‌رێمێ.
