شانده‌كا بلندا حكومه‌تا هه‌رێما كوردستانێ ل ئه‌مریكا یه
شانده‌كا بلندا حكومه‌تا هه‌رێما كوردستانێ ل ئه‌مریكا یه و د ده‌مێ دو رۆژێن بووری دا، ژماره‌كا كۆمبوونان ل گه‌ل به‌رپرسێن كۆنگرێسی و ئیداره‌یا ئه‌مریكا كرینه.
به‌یان سامی عه‌بدولره‌حمان نوونه‌را حكومه‌تا هه‌رێمێ ل ئه‌مریكا راگه‌هاند؛ شاندا هه‌رێما كوردستانێ ژ دكتور فوئاد حسێن سه‌رۆكێ دیوانا سه‌رۆكاتییا هه‌رێمێ و فه‌لاح موسته‌فا به‌رپرسێ په‌یوه‌ندیێن ده‌رڤه‌یێن حكومه‌تا هه‌رێمێ، به‌رییا چه‌ند رۆژان گه‌هشتینه ئه‌مریكا و ژماره‌یه‌كا كۆمبوونان ل گه‌ل شیره‌تكارێن سه‌رۆك ترامپی و سیناتۆر و كۆنگرێسمانێن دیارێن ئه‌مریكی و لژنه‌یێن وه‌زاره‌تێن ده‌رڤه و به‌رگرییا ئه‌مریكا و هنارتیێ سه‌رۆك ترامپی بۆ شه‌رێ دژی داعشی كرینه.
گۆت ژی: د هه‌موو كۆمبوونان دا شاندا هه‌رێمی دۆپاتی ل پێشڤه‌برنا په‌یوه‌ندیێن هه‌رێم و ئه‌مریكا كرییه و وان به‌رپرسان ژی پشته‌ڤانییا خوه بۆ قه‌واره‌یێ سیاسی و یاسایی یێ هه‌رێما كوردستانێ و بهێزبوونا هه‌رێمێ نیشاندایه و ئه‌مریكا دێ ل سه‌ر پشته‌ڤانی و هاریكاریكرنا گه‌لێ كوردستانی به‌رده‌وامبیت.
