قوباد تالەبانی د. بەرهەم سالح ب بێوژدان بناڤکر

قوباد تالەبانی رەخنە ل سەرۆکێ هەڤپەیمانیا دیمۆکراتی و دادپەروری گرتن و دیار کر: دەما رەوشا ئابۆری یا ئێکەتیێ تێکچووی، بەرهەم سالح ژێ جودا بوو.
ل گۆرەی میدیایێن ئێکەتیا نشتیمانی یا کوردستانێ، ئەڤرۆ د چارچووڤەیێ بانگەشەیا هەلبژارتنان دا ل حەلەبجە، قوباد تالەبانی، کورێ مام جەلال تالەبانی، سکرتێرێ گشتی یێ ئێکەتیێ راگەهاند: رەخنەیێن د، بەرهەم سالحی ل حکومرانیا هەرێما کوردستانێ دەربارەی گەندەلیێ بێوژدانینە و پێدڤی بوو کەسەکێ مینا وی، کو ب خوە ژی سەرۆکوەزیرێ هەرێمێ بوویە، د دەما دەستهەلاتا خوە دا باس ل چاکسازیان کربا.
قوباد تالەبانی هەروەسا دا زانین: دەما رەوشا ئابۆری یا ئێکەتیێ تێکچووی و پارە نەمای، بەرهەم سالح جودا بوو و لیستەکا نوو دامەزراند.
گۆت ژی: لەورا رەخنەیێن وی ل هەمەر ئێکەتیێ بێوژدانی و نەحەقی نە.