پارتى دێ هه‌ر مینیت هێزا یه‌كه‌م
د كه‌مپینا بانگه‌شه‌یا پارتى دیمۆكراتى كوردستان دا ل باژێرێ شه‌قلاوا، كو ئه‌ڤرۆ ئێڤارى ب ئاماده‌بوونا جه‌ماوه‌ره‌كێ مه‌زنی یێ پارتى ل سنۆرێ وێ ده‌ڤه‌رێ هاته كرن، نێچیرڤان بارزانى جێگرێ سه‌رۆكێ پارتى دیمۆكراتى كوردستان د په‌یڤه‌كێ دا گۆت، پارتى حزبا رابۆرى، نها و پاشه‌رۆژا كوردستانێ یه،و خه‌لكێ كوردستانێ ژى باوه‌رى ب پارتى هه‌یه و پارتى دێ هه‌ر مینیت هێزا یه‌كه‌م. نێچیرڤان بارزانى دیاركر ژى، پارتى بۆ پاراستنا ده‌ستكه‌فتێن هه‌رێمێ دچیته به‌غدا نه‌ك بۆ هه‌ڤڕكییا حزبایه‌تى و ده‌ركه‌فتنا سه‌ر شاشه‌یان، گۆت ژى، بۆ پارتى پله و پۆست گرنگ نینن، پاراستنا ده‌ستكه‌فتان گرنگه. هه‌روه‌سا جێگرێ سه‌رۆكێ پارتى خۆیاژى كر كو ریفراندۆم بۆ وێ یه‌كێ هاته كرن مافێن ده‌ستوورى یێن هه‌رێمێ بهێنه بجهئینان و چۆنا به‌ربژارێن پارتى ژى بۆ به‌غدا هه‌ر بۆ وێ یه‌كێ و د هه‌ر ره‌وشه‌كێ دا به‌غدا ب هه‌ڤپشك دبینن بۆ چاره‌كرنا كێشه‌یان
ل داوییا په‌یڤا خوه نێچیرڤان بارزانى، جێگرێ سه‌رۆكێ پارتى دیمۆكراتى كوردستان گۆت: بهێزبوونا پارتى ل به‌غدا واته بهێز بوونا كوردستانێ، خواست ژى ده‌نگ ب لیستا 184 یا پارتى بهێته دان.
