نێچیرڤان بارزانی سۆزا قه‌ره‌بووكرنا زیانڤێكه‌فتیێن له‌هییان دا
سه‌رۆكوه‌زیرێ هه‌رێما كوردستانێ ئه‌ڤرۆ گه‌هشته پارێزگه‌ها دهۆكێ و هه‌ر راست سه‌را وان مالان دا ئه‌وێن به‌ر ب له‌هیێن شڤێدی كه‌فتین.
نێچیرڤان بارزانی سه‌رۆكوه‌زیرێ هه‌رێما كوردستانێ ئه‌ڤرۆ ل سه‌نته‌رێ باژێرێ دهۆكێ سه‌را وان مالان دا كو ل تاخا به‌رۆشكێ ل به‌راڤێن رووبارێ ب ناڤێ هشكه‌ڕۆ به‌ر ب پێلا باران و له‌هیێن شڤێدی كه‌فتین و زیان ڤێ كه‌فتی.
نێچیرڤان بارزانی ژ نێزیكی هایداری ره‌وشا وان مالان بوو و راگه‌هاند؛ وه‌ك حكومه‌تا هه‌رێما كوردستانێ دێ هه‌ر چ كارێ پێدڤی دێ ژبۆ وان مالێن زیانڤێكه‌فتی هێت كرن و دێ هێن قه‌ره‌بوو كرن.
سه‌رۆكوه‌زیران به‌حسا جهێ وان مالان كر و گۆت: ژبه‌ر كو جهێ وان گه‌له‌ك یێ خرابه، ئه‌و دێ وه‌ك حكومه‌ت بزاڤێ كه‌ن جهێ وان ڤه‌گوهێزن و گرفتا وان چاره‌كه‌ن.
سه‌رۆكوه‌زیرێن هه‌رێما كوردستانێ ئه‌و یه‌ك راگه‌هان و ئالیێن په‌یوه‌ندیدار ل دهۆكێ ژی راسپاردن بله‌ز د هانا وان خێزانان بچن كو زیان ڤێ كه‌فتینه، هه‌روه‌ها سه‌ره‌خوه‌شی ژی ل مالباتا وان كه‌سان كر ئه‌وێن شڤێدی د له‌هیان دا ل فه‌یدیێ گیانێن خوه ژ ده‌ستداین.
