تۆنێلا زاخۆ هاته ڤه‌كرن
تۆنێلا زاخۆ كو مه‌زنترین پرۆژه‌یێ خزمه‌تگۆزاریێ و رێیا سه‌ره‌كی یا دهۆكی و زاخۆ پێكڤه گرێده‌ت، هاته ڤه‌كرن.
هه‌ڤرست ره‌جه‌ب په‌یامنێرا وار راگه‌هاند؛ ئه‌ڤرۆ تۆنێلا زاخۆ یا كو درێژاهییا وێ 3 كیلۆمه‌تر و 600 مه‌تر و ئێك ژ مه‌زنترین پرۆژه‌یێ خزمه‌تگۆزاریێن پارێزگه‌ها دهۆكێ، و رێیا سه‌ره‌كی یا دهۆك ب زاخۆ گرێده‌ت، ل ده‌مژمێر 3ی ئێڤاری ل هه‌مبه‌ر وه‌لاتیان وه‌ك ئاوایه‌كێ تێست هاته ڤه‌كرن.
دهێته زانین كو تۆنێلا زاخۆ جۆتسایده و ل سالا 2013ێ به‌رێ بنیاتێ وێ ژ ئالیێ نێچیرڤان بارزانی سه‌رۆكوه‌زیرێن هه‌رێما كوردستانێ ب كۆژمه‌یێ 170ێ ملیار دیناران ل سه‌ر بودجه‌یا حكومه‌تا هه‌رێمێ هاتبوو دانان، درێژاهییا تۆنێلێ 3 كیلۆمه‌تر و 600 مه‌ترن و بلنداهییا وێ ژی 5 مه‌ترن، لدووڤ ستانداردێن جیهانی هاتیه دروستكرن كو هه‌می پێدڤیێن ساخله‌می و ئاگرڤه‌مراندنێ تێدا هه‌نه.
