گرفتێن ته‌كنیكی پرۆسه‌یا ده‌نگدانێ سست كرییه
پرۆسه‌یا ده‌نگدانێ ئه‌ڤرۆ ل سات حه‌فتێ سپێدێ ل ئیراقێ و هه‌رێما كوردستانێ ده‌ست پێ كر، ژبه‌ركو ده‌نگدان ئه‌ڤێ جارێ ب ئاوایێ ئه‌لكترۆنی یه، گرفتێن ته‌كنیكی و په‌نجه‌مۆرێ ل پرانییا پارێزگه‌هێن ئیراقێ و هه‌رێما كوردستانێ هه‌نه.
په‌یامنێرێن وار ل هه‌ر یه‌ك ژ پارێزگه‌هێن هه‌ولێر، سلێمانی، دهۆك و هه‌روه‌ها ناڤچه‌یێن دی یێن هه‌رێمێ دیاركرینه، دیارترین گرفتا ژ ئه‌ڤرۆ سپێدێ ل بنگه‌هێن ده‌نگدانێ ده‌ركه‌فتین، ته‌كنیكی بوون ئه‌و ژی ژ ئامیرێن په‌نجه‌موورێ نه كو كارێ خوه ب دروست نه دكرن.
ب وێ ئه‌گه‌رێ، قه‌ره‌بالغه‌كا زێده ل به‌ر ده‌رگه‌هێن وه‌ستگه‌هێن ده‌نگدانێ چێبوو، هه‌ر چه‌نده كۆمسیۆن بزاڤا چاره‌كرنێ دكه‌ت.
په‌یامنێرێن وار دانه زانین، ب ئه‌گه‌را وان گرفتێن ته‌كنیكی، رێژه‌یا پشكداریێ د ده‌نگدانێ دا كێمه هه‌روه‌ها پرۆسه ب سستی دهێت برێڤه‌برن.
