ئێكه‌تیێ سه‌خته‌كاری ل سلێمانیێ كرییه
هێمن هه‌ورامی، ئه‌ندامێ سه‌ركرداتییا پارتی دیمۆكراتی كوردستان راگه‌هاندییه؛ ده‌نگێن ئێكه‌تییا نیشتیمانی ب سه‌خته‌كاریێ ل سلێمانیێ زێده‌بووینه.
هێمن هه‌ورامی د تویته‌كێ دا دیاركرییه، گومان هه‌یه، سه‌خته‌كارییه‌كا مه‌زن ژبۆ به‌رژه‌وه‌ندییا ئێكه‌تییا نیشتیمانییا كوردستانێ ل پارێزگه‌هاسلێمانیێ و هه‌له‌بجه و ناڤچه‌یێن دی یێن سلێمانیێ هاتبیته كرن.
هه‌روه‌ها گۆتییه: به‌رئاقل نینه، ده‌نگێن ئێكه‌تیێ ل سلێمانیێ ژ ده‌نگێن هه‌موو پارتێن دی، وه‌كه پارتی، گۆران، كۆمه‌ل، هه‌ڤپه‌یمانی و نه‌وه‌ی نوێ زێده‌تر بن.
ئه‌ندامێ سه‌ركراتییا پارتی ئه‌و یه‌ك راگه‌هاند و دیاركر، پێدڤییه ده‌نگێن پارێزگه‌ها سلێمانیێ ب ده‌ست بهێن هه‌ژمار كرن.
ل گۆری زانیاریێن هێمن هه‌ورامی، د هه‌لبژارتنێن سالا 2014ێ دا، ئێكه‌تیێ 11 هزار ده‌نگ ل هه‌له‌بجه هه‌بوون و نها بووینه 30 هزار ده‌نگ، واتە 95% زێده‌بووینه، ئه‌و یه‌ك ژی ب رێیا سه‌خته‌كاریێ و ده‌ستكارییا ئه‌لیكترۆنی هاتییه كرن.
