نووچه
هشیار زێبارى بۆ په‌رله‌مانتاران: نه‌چنه كۆمبوونا سوبه یا په‌رله‌مانێ ئیراقێ
هشیار زێبارى ئه‌ندامێ مه‌كته‌با سیاسى یا پارتى، داخواز ژ په‌ڕله‌مانتارێن كورد كر، نه‌چنه كۆمبوونا سوبه یا جڤاتا نوونه‌رێن ئیراقێ و شه‌رعیه‌تێ نه ده‌نه‌په‌ڕله‌مانتارێن فاشل و گه‌نده‌لێن شكه‌ستن ئینایى.
هشیار زێبارى سه‌ركرده‌یێ كورد و دپلۆماتكار و سیاسى یێ دیار ل سه‌ر ئاستێ جیهانێ، د لاپه‌رێ خوه‌یێ تایبه‌تێ تۆرا جڤاكییا فه‌یسبووكێ دا، په‌یامه‌ك ئاراسته‌یى په‌ڕله‌مانتارێن كورد و ئیراقى كر و داخواز كر، ب چ ره‌نگان نه‌چنه كۆمبوونا سوبه‌یا جڤاتا نوونه‌ران، ئه‌وا سه‌لیم جبوورى یێ ئیخوانچى بۆ رزگاركرنا هند په‌ڕله‌مانتارێن فاشل و گه‌نده‌ل دانایى.
زێبارى داخواز ژى كر، هه‌موو سكالا و تانێن ل سه‌ر ئه‌نجامێن هه‌لبژارتنان هه‌ین، ب رێیا كۆمسیۆنا هه‌لبژارتنان و قانوونا هه‌لبژارتنێن ئیراقى بهێنه ئێكلا كرن و ئێدى یاریكرن ب قانوونێ بهێته راگرتن.
