جڤاتا كۆمسیارێن هه‌رێمێ ل دۆر ئاماده‌كاریێن هه‌لبژارتنان كۆمدبیت
جڤاتا كۆمسیارێن هه‌رێما كوردستانێ ئه‌ڤرۆ بۆ جارا دوێ كۆم دبیت و گۆتوبێژا هه‌لبژارتنێن په‌رله‌مانی یێن هه‌رێما كوردستانێ دكه‌ت.
به‌شدار حسێن په‌یامنێرێ وار ل هه‌ولێرێ راگه‌هاند ؛ جڤاتا كۆمسیارێن هه‌رێما كوردستانێ ئه‌ڤرۆ بۆ جارا دوێ كۆمدبیت و دێ باس ل ئاماده‌كاریێن هه‌لبژارتنان كه‌ت و پلانا خوه یا هه‌لبژارتنان و ده‌مێ بانگه‌شێ و پاقژكرنا تۆمارا ده‌نگده‌ران و چه‌ند بابه‌تێن دی ئێكلاكه‌ت، پشتی كو د كۆمبوونا دوهی دا نه‌گه‌هشتینه چ بریارێن دوماهیێ.
ئه‌ڤه د ده‌مه‌كی دایه كو ل نه‌هی ڤێ مه‌هێ نێچیرڤان بارزانی سه‌رۆكێ حكومه‌تا هه‌رێما كوردستانێ ب مه‌رسومه‌كێ سه‌رۆكاتییێ كو ژ ده‌ستهه‌لاتا وی یه، رۆژا سیهی ئیلۆنێ وه‌ك رۆژا هه‌لبژارتنێن هه‌رێمێ دیاركر و حكومه‌تێ ژی ده‌هـ ملیار دینار وه‌ك قۆناغا ئێكێ بۆ برێڤه‌برنا كاروبارێن هه‌لبژارتنان بۆ كۆمسیۆنێ ته‌رخان كرن.
