٨ تیرۆرستێن داعشێ خوە ب ھێزێن ئێمناھی ڤە پەقاند

8 تیرۆرستێن داعشێ ل باشۆرێ کەرکووکێ خوە ب ھێزێن ئێمناھیێن ئیراقێ ڤە پەقاند، و 4 پۆلیس برینداربوون.
عەلی کەمال عەبدولرەزاق، رێڤەبەرێ پۆلیسێن کەرکووکێ راگەھاند ؛ د ئۆپەراسیۆنەکا ھێزێن ئێمناھی لسەر رێکخستنا تیرۆرستی یا داعشێ ل باشۆرێ کەرکووکێ، ھەشت تیرۆرستێن خوەکوژ کو یەک ژ وان ژن بوو ، خوە ب ھێزێن ئەمنی ڤە پەقاند.
ناڤھاتی گۆت ژی، کو د دەما ئۆپەراسیۆنا ھێزێن ئەمنی ل نێزیک ناڤچەدارییا ریاز ل باشۆرێ کەرکووکێ شەر و په‌ڤچوون د ناڤبەرا ھێزێن وان و تیرۆرستین داعشێ پەیدابوون وان ھەشت تیرۆرستێن داعشێ كوشتن و 4 پۆلیس برینداربوون.
ژ ئالیەکێ دی ڤە و ل گۆرەی زانیاریین وار، ئەڤرۆ تیرۆرستێن داعشێ بورجێ سەرەکیێ کارەبا ھێلا 32 ل کەرکووکێ ل نێزیک گۆندێ بریمێ پەقاندییە، ئەو یەک ژی بوویە ئەگەرێ برینا کارەبا دەڤەرداریێن حەوێجە، زاب و عەباسیێ.