هه‌رێما كوردستانێ 2 رێككه‌فتنێن نوو ل گه‌ل رۆسنه‌فتێ ئیمزا كرن
حكومه‌تا هه‌رێما كوردستانێ و كۆمپانییا رۆسنه‌فت یا رۆسی، 2 رێككه‌فتنێن نوو ل دۆر دانانا بۆریا غازا سرۆشتی و په‌ترۆلا هه‌رێمێ ئیمزا كرن.
د راگه‌هاندنه‌كێ دا كۆمپانییا رۆسنه‌فت یا رۆسی دیاركر، د چارچووڤێ كۆربه‌ندا ئابووری یا سان پێترسبۆرگ دا، ل دۆر دانانا بۆریا غازا سرۆشتی و وه‌به‌رهێنانا د هند كه‌رتێن نوویێن په‌ترۆلێ دا، ل گه‌ل حكومه‌تا هه‌رێما كوردستانێ گه‌هشتنه رێككه‌فتنێ و 2 رێككه‌فتنێن نوو ئیمزاكرن.
ل گۆره‌یی رێككه‌فتنێن ده‌ستپێكی یێن حكومه‌تا هه‌رێما كوردستانێ ل گه‌ل كۆمپانییا رۆسنه‌فت، ل ده‌ستپێكا سالا 2019ێ، رۆسیا دێ ده‌ست ب دانانا بۆرییێن غازا سرۆشتی یا هه‌رێمێ كه‌ت.
به‌رییا نها سه‌رۆكوه‌زیر نێچیرڤان بارزانی بۆ ئاژانسا سپۆتنیك یا رۆسی گۆتبوو : په‌یوه‌ندیێن ئابووری یێن هه‌رێم و رۆسیا به‌رده‌وامن و نها ئه‌و دانوستاندنێن رێككه‌فتنه‌كا نوی ل گه‌ل رۆسنه‌فتێ دكه‌ن.
