روونشتنا جڤاتا نوونەران ل دۆر ھەلبژارتنان بۆ جارا سێیێ شکەستن ئینا

بریاربوو ئەڤرۆ جڤاتا نوونەرێن ئیراقێ ل دۆر زەلالی و پاکییا ھەلبژارتنان کۆم ببیت، لێ بۆ جارا سێیێ شکەستن ئینا.
ل سەر داخاز ژمارەیەکا پەرلەمانتاران ژبۆ گۆتوبێژکرنا زەلالی و پاقژیا ھەلبژارتنان ، سەلیم جبووری، سەرۆکێ جڤاتا نوونەرئن ئیراقێ داخازا روونشتنەکا نەئاسایی کربوو، کو بریاربوو ل سەعەت چاری ئێڤارییا ئەڤرۆ بھێت کرن، لێ روونشتنێ شکەستن ئینا.
سەرۆکێ جڤاتا نوونەران ژی دیارکر، ژبەر نەتەمامبوونا نیسابا قانوونی روونشتنا ئەڤرۆ نەھات کرن، ل گۆرەیی ئاگەھییان ژی روونشتنا جڤاتێ بۆ رۆژا دوشەمبی ھات پاشخستن.

بەری نھا ژی جڤاتا نوونەران بزاڤ کرن، روونشتنەکا نە ئاسایی ل دۆر ئەنجامێن ھەلبژارتنان بکەت، ژبەر تەمام نەبوونا نیسابا قانوونی روونشتن نەھاتبوون کرن.