سه‌دری مه‌رج ژبۆ ویلایه‌تا دوێ همبه‌ری عه‌بادی كرینه
هه‌ڤپه‌یمانییا سائیروون رازیبوویه عه‌بادی ویلایه‌تا دوێ وه‌ربگریت، پشتی 9 مه‌رجێن موقته‌دا سه‌دری بجهـ دئینیت.
مه‌دیا ئیراقی و ئه‌ره‌بی ژ زارێ وه‌زیره‌كێ به‌رێ یێ نێزیك ژ گۆتوبێژێن پێكئینانا حكومه‌تا ئیراقێ ڤه‌گوهاستییه، موقته‌دا سه‌در چ رێگری نینن حه‌یده‌رعه‌بادی ویلایه‌تا دوێ یا سه‌رۆكوه‌زیریێ وه‌بگریت، پشتی 9 مه‌رجێن ده‌ستنیشان كری بجهـ دئینیت.
دیار ژی كرییه، یه‌ك ژ مه‌رجێن هه‌ری دیار یێن سه‌دری بۆ عه‌بادی، ده‌ستژكاركێشانا عه‌بادی ژ حزبا ده‌عوه، هه‌روه‌ها پابه‌ندبوونا وی ب به‌رنامه‌یه‌كێ گشتگیر ژبۆ پێكئینا حكومه‌ته‌كا نیشتیمانییا ته‌كنوكرات كو دووری هه‌موو ئاوایێن تائیفگه‌ریێ بیت.
هه‌روه‌ها د ناڤ وان مه‌رجێن سه‌دری هه‌مبه‌ر عه‌بادی كرین، دانانا ستراتیجییه‌كا دیار ژبۆ رزگاركرنا ئیراقێ ژ هه‌ژاریێ، به‌رهنگاربوونا گه‌نده‌لان و سۆز دان ب ده‌رێخستنا هه‌موو هێزێن بیانی ژ ئیراقێ تایبه‌ت هێزێن ئه‌مریكی.
