به‌لاڤكرنا هاریكارییان ل سه‌ر 110 خێزانێن شه‌هیدێن شه‌رێ تیروریستێن داعشێ یێن ل سنوورێ لقێ8
ب مه‌ره‌ما پتر خزمه‌تكرنا خێزانێن سه‌ربلند یێن شه‌هیدێن شه‌رێ تیروریستێن داعشێ، كومه‌لا ئاكنجیكرنا خێزانێن شه‌هیدان ل پارێزگه‌ها دهوكێ ب هه‌ڤكارى دگه‌ل رێڤه‌به‌ریا شه‌هیدان ل زاخو و نڤیسینگه‌ها شه‌هیدان یا لقێ 8 یێ پارتى دیموكراتى كوردستان و ب هه‌لكه‌فتا بیره‌وه‌رییا شوره‌شا گولانا پێشكه‌فتن خواز یا گه‌لێ مه، و ب به‌رهه‌ڤبوونا دكتور عه‌لى ته‌ته‌ر ئه‌ندامێ سه‌ركردایه‌تییا پارتى دیموكراتى كوردستان و به‌رپرسێ لقێ 8 رابون ب به‌لاڤكرنا هاریكارییان ل سه‌ر 110 خێزانێن شه‌هیدێن شه‌رێ تیروریستێن داعشێ یێن ل سنوورێ لقێ ناڤبرى، ب ڤێ هه‌لكه‌فتێ ژى به‌رپرسێ لقێ 8 په‌یڤه‌ك پێشكێشكر و تێدا دیاركر، كو بو مه مه‌زنترین خزمه‌ته ئه‌ڤرو ئه‌م خزمه‌تا خێزانێن شه‌ره‌ف مه‌ند و بهاگران یێن وان مه‌رده‌مێر و عه‌گیدان دكین یێن كو گیانێ خوه گورى خاك و رومه‌تا گه‌لێ خوه كرین، هه‌روه‌سا دكتور عه‌لى ته‌ته‌ر ئاشكه‌راكر ژى، ل ده‌ڤه‌را زاخو د شه‌رێ ل دژى تیروریستێن داعشێ پشكا شێرى ژ وه‌رگرتنا شه‌ره‌فا خوه گوریكه‌ران به‌ركه‌فتییه و پترین شه‌هید داینه ل چاڤ جهێن دیتر، د به‌رامبه‌ردا خێزانێن وان شه‌هیدان جاره‌كا دى سوز و په‌یمان نوى كرنه ڤه و دیاركرن ئه‌و ب سه‌ربلندى ڤه شانازیێ ب ده‌ستكه‌فت و وه‌لاتپاریزیا شه‌هێدێن كورد و كوردستانێ دكه‌ن و ئه‌م ب چو ره‌نگان په‌شیمانى شه‌هیدبوونا كه‌س و كارێن خوه نینن و ئه‌گه‌ر پێدڤى بكه‌ت ئه‌م هه‌مى به‌رهه‌ڤن بو رومه‌ت و ئاخا وه‌لاتێ خوه شه‌هید ببین
