یا گرنگ بۆ ھەرێمێ بنەمایێ شەراکەتێ یە
سەرۆک بارزانی راگەھاند؛ یا گرنگ بۆ ھەرێما کوردستانێ بنەمایێن شەراکەتا راستەقینەیە د پرۆسەیا دروستبوونا بریار و تەوافقێ د دەستھەلاتا یاسا دانانێ دا و ھەڤسەنگی د کەرتێن ئابۆری و ئێمناھی و سەربازی و سیاسی یا وەلاتی دا.
سەرۆک مەسعوود بارزانی ئەڤرۆ پێشوازی ل جۆن ویلکس بالیۆزێ بریتانیا ل ئیراقێ کر و تێدا بالیۆزێ بریتانیا تەئکید ل بەرفرەھکرنا پەیوەندیێن د ناڤبەرا ھەرێما کوردستانێ و وەلاتێ خوە دا کر و ژبۆ سەقامگیرییا ئێمناھییێ و رێگرتن ل سەرھلدانا تیرۆرێ، داخواز کر ھەماھەنگی د ناڤبەرا ھێزێن پێشمەرگەی و ھەڤپەیمانان دا ھەبیت.
ژ ئالیێ خوەڤە سەرۆک بارزانی گۆت: ئەوا گرنگ بۆ ھەرێما کوردستانێ بنەمایێن شەراکەتا راستەقینەیە د پرۆسەیا دروستبوونا بریار و تەوافقێ د دەستھەلاتا یاسادانان و ھەڤسەنگیێ د کەرتێ ئابۆری و ئێمناھی و سەربازی و سیاسییا وەلاتی دایە.
د کۆمبوونا بارزانی و بالیۆزێ بریتانیا دا رەوشا سیاسی یا ئیراقێ یا بەری ھەلبژارتنێن جڤاتا نوونەران و قۆناغا پشتی ھەلبژارتنان و رۆلێ کاریگەرێ ھەرێما کوردستانێ د پرۆسەیا سیاسی دا گۆتووبێژ کر.
