ئه‌ردۆغان و یلدرم دێ بۆ بانگه‌شه‌یا هه‌لبژارتنان چنه باكۆرێ كوردستانێ
سه‌رۆككۆمار و سه‌رۆكوه‌زیرێ توركیا ب مه‌ره‌ما بانگه‌شه‌یا هه‌لبژارتنان دێ چنه باكۆرێ كوردستانێ.
نائل كادرهان په‌یامنێری وار ل باكۆرێ كوردستانێ راگه‌هاند ؛ د چارچووڤێ به‌رنامێ ئاكه‌پێ یێ بانگه‌شه‌یا هه‌لبژارتنان دا، سوبه رۆژا ئه‌ینی بینالی یلدرم سه‌رۆكوه‌زیرێ توركیا دێ سه‌ره‌دانا هه‌ردو باژارێن ئیلیهـ و ئه‌لعه‌زیزێ ل باكۆرێ كوردستانێ كه‌ت و میتینگێن جه‌ماوه‌ری سازكه‌ت.
هه‌روه‌سا رۆژا چاری خزه‌یرانێ ره‌جه‌ب ته‌یب ئه‌ردۆغان سه‌رۆككۆمار و سه‌رۆكێ ئاكه‌پێ دێ سه‌ره‌دانا باكۆرێ كوردستانێ كه‌ت و ل باژارێ ئامه‌دێ میتینگه‌كا جه‌ماوه‌ری سازكه‌ت و گۆتاره‌كێ پیشكێش كه‌ت.
بریاره ل بیست و چارى مه‌ها خزه‌یرانێ هه‌لبژارتنێن پێشوه‌خت ل توركیا بهێنه كرن و ئه‌ردۆغان به‌ربژارێ ئاكه‌پێ و مه‌هه‌پێ یه و سه‌لاحه‌دین ده‌میرتاش ژی كو به‌ربژارێ هه‌ده‌پێ یه، ب به‌هانه‌یا پشته‌ڤانییا تیرۆرێ د زیندانێ دایه و ب رێیا تویته‌ری بانگه‌شه‌یا خوه برێڤه‌دبه‌ت.
