پارتی ل سەر ئاستێ لق و مەکتەبان دەست ب گوهەرینان کر

پارتییا دیمۆکرات یا کوردستانێ دەست ب گوهەرینێن ناڤخوەیی یێن حزبی کر و د ئێکەم گاڤ دا بەرپرسێن 3 لقان ل كه‌ركووك و هەلەبجە و سلێمانیێ گوهارتن.
مەکتەبا سیاسی یا پارتی د دوماهی کۆمبوونا خوە دا بریارا گوهەرینێن مەزن یێن ناڤخوەییا حزبێ ل سەر ئاستێ لق و مەکتەبان دا یە و هەر نها بەرپرسێ لقا 12 ل هەلەبجە گوهارت و کادرێ خوە یێن گەنج، بەسام عەلی حەمە سالح کرە بەرپرسێ لقێ.
هەروەسا ئالان حەمە سەعید كادرێ خوه‌ یێ گه‌نج كو ئەندامێ جڤاتا سەرکرداتیا سلێمانیێ بوو، كره ‌بەرپرسێ لقا 4 یا پارتی ل وێ پارێزگەهێ.
ل كه‌ركووكێ ژى پارتى شاخه‌وان عه‌بدوللا كادرێ خوه‌ یێ دیار ل وێ پارێزگه‌هێ، بۆ پۆستێ به‌رپرسێ لقێ ده‌ستنیشان كر.
ل گۆرەی بریارا مەکتەبا سیاسی یا پارتی، ئەڤ گوهەرینە دێ لق و مەکتەبێن پارتی، ل دەڤەرێن کوردستانی یێن دەرڤەی ئیدارەیا هەرێمێ ژى ڤەگەریت و پارتی ب نیازە کۆمەکا کادرێن خوە یێن گەنج بگەهینیتە جهێن بریارێ.