پێدڤی یە حکومەتا ئیراقێ ب رێککەفتن، هەڤپشکی و هەڤسەنگی بهێت ئاڤاکرن
سەرۆک بارزانی و بالیۆزێ فرەنسا یێ ئیراقێ کۆم بوون و هەلبژراتنێن پەرلەمانێ ئیراقێ و پێکئینانا حکومه‌تا نوو گۆتوبێژ کرن.
ئەڤرۆ سەرۆک مەسعوود بارزانی ل پیرمامێ دگەل بروونۆ ئۆبیر، بالیۆزێ فرەنسا ل ئیراقێ و شاندەکا ل گەل کۆم بوو و گرنگیا پێکئینانا حکومەتا نوو یا ئیراقێ ل سەر بنەمایێن هەڤسەنگی، رێککەفتن و هەڤپشکی د بیاڤێن سیاسی، ئابۆری و ئەمنی دا بەرچاڤ کرن.
بالیۆزێ فرەنسا ژی پیرۆزباهیا سەرکەفتنا پارتییا دیمۆکرات یا کوردستانێ د هەلبژارتنێن پەرلەمانێ ئیراقێ دا کر و خواست: ئالیێن سیاسی یێن کوردستانی پشکداری پرۆسەیا سیاسی یا ئیراقێ ببن و ئالیێن ئیراقی ژی رێزێ ل ماف و خواستێن گەلێ کوردستانێ بگرن.
شاندا فرەنسی هەروەسا رۆلێ سەرۆک بارزانی د پاشەرۆژا پرۆسەیا سیاسی یا ئیراقێ دا ب گرنگ و کاریگەر ناڤ کر و پیرۆزباهیێن ئیمانوئێل ماکرۆن، سەرۆکێ فرەنسا گەهاندنێ.
ژ ئالیێ خوە ژی ڤە، سەرۆک بارزانی دوپاتی ل پەیونەدیێن دۆستانە یێن دیرۆکی یێن گەل و حکومەتێن کوردستانێ و فرەنسا کر.
