شاندەکا پارتی ب سەرۆکاتیا فازل میرانی ل بەغدا یە
شاندەکا بلندا پارتی دیمۆکراتی کوردستان ل بەغدا یە و دگەل هەر ئێک ژ فوئاد مەعسۆم، سەرۆککۆمارێ ئیراقێ و ئەیاد عەلاوی، سه‌رۆكێ لیستا وه‌ته‌نییه کۆم بوویە.
ل گۆرەی زانیاریێن وار، دوهی شاندەکا پارتی دیمۆکراتی کوردستان ب سەرۆکاتییا فازل میرانی، سکرتێرێ مەکتەبا سیاسی یا پارتی بۆ گۆتوبێژکرنا رەوشا سیاسی یا ئیراقێ و سیناریۆیێن پێکئینانا حکومەتا نوو، گه‌هشتییه به‌غدا و هه‌ر شڤێدی ل گه‌ل فوئاد مەعسۆم، سەرۆککۆمارێ ئیراقێ و ئەیاد عەلاوی، سه‌رۆكێ لیستا وه‌ته‌نییه و جێگرێ سەرۆککۆماری کۆم بوویە.
شاندا پارتی هه‌ر ئه‌ڤرۆ ل به‌غدا دێ به‌رده‌وامیێ ده‌ته گۆتوبیژێن پێكئینانا حكومه‌تا نوو و چاڤه‌رێیه ل گه‌ل ژماره‌كا ئالیێن سه‌ركه‌فتی یێن هه‌لبژارتنان كۆمببیت.
پێشتر هه‌ڤپه‌یمانییا سائیروون كو سه‌ركه‌فتییا ئێكێ یا هه‌لبژارتنایه راگه‌هاندبوو، دانوستاندنێن وان ل گه‌ل پارتی گه‌هشتینه ئاسته‌كێ گه‌له‌ك باش و ئه‌و نێزیكی رێككه‌فتنێ بووینه.
پارتی كو ل سه‌ر ئاستێ هه‌رێما كوردستانێ سه‌ركه‌فتی یا ئێكێ یا هه‌لبژارتنێن په‌رله‌مانێ ئیراقێ بوو، پشتی راگه‌هاندنا ئه‌نجامێن هه‌لبژارتنان شانده‌كا بلند هنارتبوو به‌غدا و ل گه‌ل هه‌موو ئالیێن ئیراقی باس ل پێكئینانا حكومه‌تا نوو كربوو.
