گەر ئیراق پەکەکێ ده‌رنه‌ئێخیت دێ ھێرشێ کەین
سەرۆککۆمارێ تورکیا راگەھاند؛ گەر حکومەتا ئیراقێ پەکەکێ ژ شنگال، مەخموور و قەندیلی دەرنەئێخیت، ئەو دێ ئۆپەراسیۆنێن سەربازی ل وان دەڤەران دەستپێکەن.
رەجەب تەیب ئەردۆغان سەرۆککۆمارێ تورکیا جارەکا دی گەفێن ھێرشکرنا پارتییا کارکەرێن کوردستانێ ل ھەرێما کوردستانێ کرن و راگەھاند؛ گەر حکومەتا ئیراقێ پەکەکێ ژ شنگال، مەخموور و قەندیلی دەرنەئێخیت، ئەو دێ ئۆپەراسیۆنێن سەربازی ل وان دەڤەران دەستپێکەن.
ئەدوغان گۆت: ده‌لیڤه‌یه‌كا مەزن ھەیە ژ نشكه‌كێ ڤه و د شەڤەکێ دا ھێرشێن ئاسمانی بکەینە سەر قەندیلی.
داخۆیانیێن بەدەوامێن بەرپرسێن تورکیا ئاماژێن نێزیکبوونا دەما دەستپێکرنا ئۆپه‌راسیۆنەکا سەربازی لسەر بنگەھـ و بارەگەھێن پەکەکێ ل چیایێ قەندیلی دیار دکەن، لێ کەجەکە وێ یەکێ ب دوور دزانیت و ب بانگەشەیا ھەلبژارتنان ب ناڤ دكه‌ت، پێشتر ژی بەرپرسێن ئیراقێ داخواز ژ تورکیا کربوو رێزێ ل سەروەرییا ئیراقێ بگرن.
