د روودانەکا هاتنوچوونێدا پێنج کەس بوونە قوربانی

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ خویاکر: د روودانەکا هاتنوچوونێدا کەسەکێ گیانێ خوە ژ دەستدا و چار کەسێن دیتر برینداربوون.

ناڤهاتی زێدەتر دا دیارکرن : ئەڤرۆ سێشەمبی ١٢⁄٦⁄٢٠١٨ و لدەمژمێر ٢ پشتی نیڤرۆ ل نێزیک گوندێ مێسا یێ سەر ناحیا چەمانکێ ڤە روودانەک دناڤبەرا دوو ترومبێلاندا روودایە کو ترۆمبێلەک ژ ون تایبەت لاندگروزەر ل گەل ترۆمبێلەکا تایبەت ھۆندا و د ئەنجامدا کەسەکێ گیانێ خوە ژدەستدا و چار کەسێن دیتر ب گرانی بریندار بووینە و هەروەسا زیانێن مادی یێن بەرچاڤ ب هەردوو ترومبێلان ژی کەفتینە.