ده‌لیڤه‌یا دوباره‌كرنا هه‌لبژارتنان هه‌یه
هه‌ڤپه‌یمانییا فه‌تح یا هادی عامری ئه‌ڤرۆ راگه‌هاند، دوباره‌كرنا هه‌لبژارتنێن په‌رله‌مانێ ئیراقێ كاره‌كه ب دوور ناهێته دیتن.
هه‌ڤپه‌یمانییا فه‌تح ئه‌ڤرۆ رۆژا ئه‌ینیێ راگه‌هاندییه؛ ئالۆزیێن و ناكۆكیێن ل ناڤبه‌را ئالیێن سیاسی یێن ئیراقی كو ل سه‌ر ئه‌نجامێن هه‌لبژارتنێن دوازده‌ی گۆلانێ سه‌رهلداینه، گه‌هشتینه ئاسته‌كێ هه‌ری ب ترس، له‌و نه‌دووره هه‌لبژارتن بهێن دوباره كرن.
دیار ژی كر، هه‌ر چه‌نده بڕیارا دوباره‌كرنا هه‌لبژارتنان دێ گه‌له‌ك ب زه‌حمه‌ت، لێ گه‌ر پێدڤی كر ب دوور ناهێته دیتن ئه‌و گاڤ وه‌كو چاره‌یه‌كا بنه‌ره‌ت بۆ ناكۆكییان بهێت هاڤێتن.
جڤاتا بلندا دادوه‌رییا ئیراقێ ل حه‌فتییا بۆری بیست و حه‌فت دادوه‌ر بۆ برێڤه‌برنا ئه‌ركێن كۆمسیۆنێ ده‌ست نیشان كرن و وه‌ها بڕیار، ده‌ست ب هه‌ژمارتنا ئاستا سه‌دێ پێنج یا ده‌نگان ب ده‌ست بكه‌ن، هه‌ڤپه‌یمانییا فه‌تح ژی دبینیت، گه‌ر ئه‌نجام جوداهی كه‌فتن تێدا، ب دوور ناهێت دیتن، هه‌لبژارتن بهێن دوباره‌كرن.
