دەستەیا هەلبژارتنێن تورکیا پەیامێن دەنگ و رەنگ یێن دەمیرتاشی قەدەغە کرن

دەستەیا بلندا هەلبژارتنێن تورکیا رێ ب بەلاڤکرنا پەیامێن دەمیرتاشی د ئاهەنگێن بانگەشەیێ دا، لێ پەیامێن دەنگ و رەنگ لێ قەدەغە کرن.
دەستەیا بلندا هەلبژارتنێن تورکیا داخوازا پارێزەرێن سەلاحەدین دەمیرتاش، بەربژارێ هەدەپێ یێ سەرۆککۆماریا تورکیا یا بەلاڤکرنا پەیامێن دەنگ و رەنگ رەد کر، لێ دەستوور دا پەیامێن نڤیسکی ژبۆ بانگەشەکرنێ بهێنە بکار ئینان، یان ژی ب رێییا پارێزەرێن وی بهێنە خواندن.
تایبەت ژ بۆ ئاهەنگێن بانگەشەیا هەدەپێ ل ستەنبۆل، دیلۆک، ئزمیر و مێردینێ دەستەیا بلندا هەلبژارتنێن تورکیا ژڤانێن نوو یێن سەرەدانا دەمیرتاشی بۆ پارێزەرێن وی ئاسایی کرن.