نووچه
جه‌ماوه‌رێ زاخو پیروزباهیێن جه‌ژنێ گه‌هاندنه لقێ هه‌شت
ئه‌ڤرو دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ 8 یا پارتى دیموكراتى كوردستان پێشوازى ل هه‌ژماره‌كا خه‌لكێ ده‌ڤه‌را زاخو كر كو پێكهاتیبوون ژ كه‌سایه‌تى و رهسپى و جه‌ماوه‌ر و دوستێن پارتى دیموكراتى كوردستان و فه‌رمانبه‌رێن حكومى و به‌رپرسێن له‌شكه‌رى و زانایێن ئاینێ ئیسلامێ و كریستیانان كر، دڤان سه‌ره‌داناندا مێهڤانان پیروزباهییا جه‌ژنێ ئاراسته‌ى لقێ هه‌شت كرن و داخوازكرن ئه‌ڤ جه‌ژنه ببیته هێڤێنێ ئاشتبوونا خه‌لكێ هه‌رێما كوردستانێ و عیراقێ، به‌رپرسێ لقێ 8 ژى سوپاسى و پێزانین هه‌بوون به‌رامبه‌ر وان كه‌س و ئالیێن سه‌ردان كرین و گوت ژى، هیڤییه ئه‌ڤ بونێن ئاینى ببنه ده‌لیڤه بو به‌رقراركرنا ئاشتى یا سه‌رتاسه‌رى و لێك نێزیككرنا پارت و ئالیێن ده‌ستهه‌لاتدار بو پتر خزمه‌تكرنێ و بده‌ستڤه ئینانا ده‌ستكه‌فتێن زێده‌تر بو باشتركرنا ژیارا خه‌لكێ كوردستانێ. |
