نووچه
ده‌ما تۆماركرنا هه‌ڤپه‌یمانییان بۆ هه‌لبژارتنێن كوردستانێ هات درێژكرن
ده‌ما تۆماركرنا هه‌ڤپه‌یمانییان بۆ هه‌لبژارتنێن په‌ڕله‌مانێ كوردستانێ تا رۆژا شه‌مبییا بهێت هات درێژكرن و تا نها تنێ هه‌ڤپه‌یمانیه‌ك هاتییه تۆماركرن.
ل گۆره‌یی زانیاریێن وار، ئه‌ڤرۆ جڤاتا كۆمسیارێن هه‌رێمی ژڤانێ تۆماركرنا هه‌ڤپه‌یمانیێن سیاسی بۆ هه‌لبژارتنێن په‌ڕله‌مانێ كوردستانێ تا رۆژا شه‌مبییا بهێت درێژكر، د ده‌مه‌كی دا بریاربوو سوبه داوی رۆژا تۆماركرنا هه‌ڤپه‌یمانییان بیت.
د ده‌مێ دو رۆژێن بووری دا، تنێ هه‌ڤپه‌یمانیه‌ك ژ ئالیێ پارتا سوسیالیست دیموكراتا كوردستانێ و پارتا كرێكار و ره‌نجده‌ران و پارتا ئێكه‌تییا نه‌ته‌وه‌یی یا دیموكرات، ب ناڤێ لیستا سه‌رده‌م هاتییه تۆماركرن.
پێشتر كۆمسیۆنێ خوه‌تۆماركرنا قه‌واره‌یێن سیاسی راگه‌هاندبوو و د ده‌مێ ده‌هـ رۆژان دا، سیهـ و هه‌شت قه‌واره‌یان ناڤێن خوه تۆماركربوون.
