ئاکەپە ل سەر ناڤێ هەدەپێ و جەهەپێ داخوازا دەولەتەکا کوردی دکەت

ئاک پارتییێ ل ئەنقەرێ بەلاڤۆکێن سەختە دانە چێکرن و ل سەر ناڤێ هەدەپێ و جەهەپێ داخوازا دەولەتەکا کوردی دکەت.
ب سەدان کەسان ل سەر تۆرا جڤاکی یا تویتەرێ، ئەڤرۆ وێنەیێن بەلاڤۆکێن پارتییا دەستهەلاتدار یا تورکیا، ئاکەپێ، بەلاڤ کرن، کو خویا دکەن، ئاکەپە ل سەر ناڤێ پارتییا دەمۆکراتیک یا گەلان، هەدەپێ و پارتییا گەل یا کۆماری، جەهەپێ داخوازا دەولەتەکا کوردی ل سووریێ و ڤەکێشانا هێزێن تورکی ژ رۆژئاڤایێ کوردستانێ دکەت. هەروەسا کو سۆزا نەهێلانا خێلی و دەرسۆکان ل تورکیێ ددەن.
ئالیگرێن هەدەپێ و جەهەپێ ژی ل سەر تۆرێن جڤاکی ئەڤ کارێ ئاکەپێ یێ سەردابرنا دەنگدەران ئاشکرا کر و دا زانین، کو ئەندامێن ئاکەپێ ئەڤ بەلاڤۆک ل ئەنقەرەیا پایتەخت رادەستی وەلاتییان کرینە.