عەبادی و سەدر ل نەجەف کۆم بوون

سەرۆکوەزیرێ ئیراقێ و سەرۆکێ هەڤپەیمانییا نەسر ئەڤرۆ دگەل سەرۆکێ هەڤپەیمانییا سائیروون کۆم بوو و پێشبینی دهێتە کرن، نەسر بچیتە د هەڤپەیمانییا سائیروون و فەتح دا.
حەیدەر عەبادی، سەرۆکوەزیرێ ئیراقێ و سەرۆکێ هەڤپەیمانییا نەسر ئەڤرۆ ل نەجەف دگەل موقتەدا سەدر، سەرۆکێ رەوتێ سەدر و هەڤپەیمانییا سائیروون کۆم بوو و هەرچەندە تا نها ناڤەرۆکا کۆمبوونێ نەهاتییە ئاشکرا کرن، لێ ل گۆرەی ژێدەرێن ئاگەهـ، کۆمبوون دەربارەی پێکئینانا حکومەتا ئیراقێ بوو.
ژێدەرەکێ نێزیک ژ عەبادی کو نەخواست ناڤێ خوە ئاشکرا بکەت، دیار کر؛ لژنەیەکا هەڤپشک ژ هەڤپەیمانییا نەسر و هەڤپەیمانییا سائیروون بۆ خواندنا جوداهیێن پلانێن هەردو ئالییان هاتییە پێکئینان و پێشبینی دهێتە کرن، ل دەمەکێ نێزیک، عەبادی بچیتە دگەل هەڤپەیمانییا سەدر و هادی عامری.