عەفرین.. 3 پەقینان ناڤەندا باژاری ھەژاند

سێ پەقینان ناڤەندا عەفرینێ ھەژاند و کوشتی و بریندار ل پشت خوە ھێلان، ھەڤدەم پەڤچوونێن دژوار د ناڤبەرا ھێزێن سەر ب تورکیا ڤە چێبوون.
ئەڤرۆ ل ناڤەندا باژارێ عەفرینێ یێ رۆژئاڤایێ کوردستانێ دو پەقینان عەفرین ھەژان کو ئێک ل چواریانا کاوەیێ ئاسنگەر و ئێک ژی ل تاخا ڤیلایان بوو و کوشتی و بریندار ل پشت خوە ھێلان و ل گۆری ئاژانسا ئەنەدۆلێ، شەش کەسان ژیانا خوە ژ دەست دایە و بیست ژی بریندار بووینە و زیانێن ماددی یێن مەزن ژی ل جھێ پەقینان ھەنە.
مەدیایێن نێزیک یەپەگێ ژی دیارکر: پشتی وان ھەردو پەقینان ب دەمەکێ کێم پەقینەکا دی ژی ل نێزیک نەخوەشخانەیا دێرسم چێبوو و یازدە کەس ھاتن کوشتن و ژمارەیەک ژی برینداربوون.
ھەڤدەم نێرینگەھا سووری یا مافێن مرۆڤی ئاشکەرا کر؛ ژ دوھی شەر و پەڤچوونێن دژوار د ناڤبەرا گرۆپێن لیوایا موعتەسم و بەرەیێ شامی یێن ئارتێشا ئازاد یا سوورییێ یێن سەر ب تورکیا ڤە بەردەوامن.