کەرکووک.. 10 چەکدارێن حەشدێ د بووسەیەکا داعشێ دا ھاتن کوشتن

ژمارەیەکا چەکدارێن حەشدا عەشائیری ل کەرکووکێ کەفتە بووسەیەکا رێکخستنا تیرۆرستێن داعشێ و ژمارەیەکا چەکدارێن وێ ھاتە کوشتن و بریندارکرن.
ل گۆرەی ئاژانسا ئەنادۆلێ، کو ل سەر زارێ ژێدەرەکێ ئێمناھیێ بەلاڤ کریە: شڤێدی کاروانەکێ تومبێلێن چەکدارێن حەشدا عەشائیری ل دەردوورێن حەوێجە کەفتە بووسەیەکا رێکخستنا تیرۆرستی یا داعشێ، تێدا شەش چەکدارێن حەشدێ ھاتن کوشتن و چوار ژی بریندار بوون.
فەریق شاکر جەودەت، فەرماندارێ پۆلیسێن فیدرال ژی د بەیاننامەیەکێ دا گۆت: ل چەندین سەعەتێن بھێت، ھێزێن ئیراقی دێ دەست ب ئۆپەراسیۆنەکا لێگەریانا تیرۆرستێن داعشێ ل گر و نھالێن پارێزگەھێن کەرکووک و سەلاحەددین کەن.