پێدڤیه‌ حكومه‌تا نوو ل سه‌ر بنه‌مایێ ته‌وافوقێ بیت

سه‌رۆك بارزانی پێشوازی ل رائید فه‌همی سكرتێرێ حزبا شیۆعی یا ئیراقێ و شاندا دگه‌ل دا كر و سه‌رۆك بارزانی دیاركر: پێدڤییه‌ حكومه‌تا بهێت یا ئیراقێ ل سه‌ر بنه‌مایێ ته‌وافوق و شه‌راكه‌ت و هه‌ڤسه‌نگیێ بیت.
د دیدار د ناڤبه‌را سه‌رۆك مه‌سعوود بارزانی و سكرتێرێ حزبا شیوعی دا، شاندا مێهڤان روانگه‌ها حزبا خوه‌ لدۆر پرۆسه‌یا سیاسی یا ئیراقێ و قوناغا پشتی هه‌لبژرتنێن په‌رله‌مانێ ئیراقێ شرۆڤه‌كر و هیڤی خواست پشتی ده‌رچوونا ئه‌نجامێن فه‌رمی هه‌می ئالی پشكدارییه‌كا راسته‌قینه‌ د حكومه‌تێ دا بهێت دا بكه‌ت و دخوازن ژی هه‌ڤپه‌یمانییا سائیرون هه‌لوه‌ستێ ئه‌رێنی ل سه‌ر داخوازیێن مافێ گه‌لێ كورد هه‌بیت.
ژ ئالیێ خوه‌ڤه‌ سه‌رۆك مه‌سعوود بارزانی دووپات كر كو پێدڤییه‌ حكومه‌تا بهێت یا ئیراقێ ل سه‌ر سێ پره‌نسیپێن سه‌ره‌كی بهێته‌ ئاڤاكرن ئه‌و ژی شه‌راكه‌ت و ته‌وافۆق و هه‌ڤسه‌نگی بیت و هه‌روه‌سا جێبجێكرنا وان بنه‌مایان پێدڤی ب گه‌ره‌نتی و میكانیزمه‌كا زه‌لالن.
سه‌رۆك بارزانی خویا ژی كر: یا گرنگ لنك هه‌رێما كوردستانێ پره‌نسیپ و میكانیزم بهێنه‌ جێبجێكرن و هه‌بوونا گه‌ره‌نتیێ ئه‌وله‌ویه‌تا سه‌ره‌كییه‌ نه‌ك كه‌س و پۆست.