به‌رپرسێ لقێ هه‌شت پێشوازیا تیما هه‌كارى یا مللى كر

محه‌مه‌دسدیق
ئه‌ڤرو دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یێ پارتى دیموكراتى كوردستان و هه‌روه‌سا حكمه‌ت محه‌ممه‌د كارگێرێ لقێ و به‌رپرسێ نڤیسینگه‌ها جه‌ماوه‌رى، پێشوازى ل تیما هه‌كارى یا میللى یا سه‌ر ب ناڤه‌ندا بالا یا ئێكه‌تیا لاوێن دیموكراتى كوردستان ڤه‌ كر، كو ل سه‌ر ئاستێ پارێزگه‌ها دهوكێ ناسناڤێ خولا بارزانیێ نه‌مر یا ته‌پاپێ بده‌ستڤه‌ ئینایه‌، دروینشتنه‌كێ دا ب كورتى به‌حسێ دامه‌زراندنا وێ تیمێ ل سالا 1992ێ كرن و دیاركرن ڤێ تیمێ به‌شدارى د چه‌ندین خول و هه‌ڤركییان دا كرییه‌ وه‌ك تیمه‌كا چالاك و بوویه‌ مینا قوتابخانه‌یه‌كێ بو پێگه‌هاندنا ب ده‌هان گه‌نجێن یاریزان ل ده‌ڤه‌رێ و چه‌ندین ناسناڤ ژى ب ده‌ست خوه‌ڤه‌ ئیناینه‌، ژلایێ خوه‌ڤه‌ به‌رپرسێ لقێ هه‌شت پیروزباهى ل تیما قاره‌مان كر و گوت ژى، ئه‌ڤه‌ ده‌ستكه‌فته‌كێ باشه‌ بو ده‌ڤه‌رێ و ئه‌م ژى دێ پشته‌ڤانێن هه‌وه‌بین بو هه‌ر كاره‌كێ دشیاندا بیت، ژبه‌ركو چینا لاوان چینه‌كا گرنگه‌ و ل سه‌ر ده‌ستێ وان ژى ملله‌ت دهێنه‌ پێشڤه‌برن