نووچه
په‌ڕله‌مانێ كوردستانێ دێ به‌رده‌وامیێ ب راستڤه‌كرنا په‌یره‌وێ ناڤخوه ده‌ت
په‌ڕله‌مانێ كوردستانی ئه‌ڤرۆ ژی كۆمدبیت و دێ به‌رده‌وامیێ ب راستڤه‌كرنا په‌یره‌وێ ناڤخوه ده‌ت و خواندنا ئێكێ یا ژماره‌یه‌كا پرۆژه‌قانوون و بریاران كه‌ت.
د راگه‌هاندنه‌كێ دا ده‌سته‌یا سه‌رۆكاتییا په‌ڕله‌مانێ كوردستانێ دیاركرییه، ئه‌ڤرۆ رۆژا سێشه‌مبی ژی، په‌ڕله‌مان دێ روونشتنه‌كا دی یا ئاسایی یا ڤێ خۆلا بهارێ كه‌ت كو هه‌ر به‌رده‌وامیدانه ب روونشتنێن بووری و تێدا، دێ به‌رده‌وامی ب گۆتوبێژا راستڤه‌كرنا قانوونا په‌یره‌وێ ناڤخوه هێته دان و خواندنا ئێكێ یا پرۆژه‌قانوونا به‌رهه‌مێ جوتیاران هێته كرن.
هه‌روه‌سا ل گۆره‌یی سه‌رۆكاتییا په‌ڕله‌مانی، دێ یاسایا كرێدانا خانوبه‌ران هێته راستڤه‌كرن و خواندنا ئێكێ یا پرۆژه‌قانوونا رێیێن گشتی یێن هه‌رێمێ، ل گه‌ل پرۆژه‌بریارا ته‌ملیككرنا پارچه زه‌ڤیێن زێده‌گاڤی، هێته كرن.
