نووچه
پەرلەمانێ کوردستانێ ده‌ستژكاركێشانا رابوون مه‌عرووفی پەسەند کر
رابوون مه‌عرووف كاندیدێ ده‌رچوو یێ نه‌وه‌یێ نوێ بۆ په‌رله‌مانێ ئیراقێ و په‌رله‌مانتارێ به‌رێ یێ گۆرانێ ل په‌رله‌مانێ كوردستانێ، ئه‌ڤرۆ ده‌ستژكاركێشانا وی ژ په‌رله‌مانێ كوردستانێ هات په‌سه‌ند كرن.
لگۆره‌ی راگه‌هاندنه‌كا په‌رله‌مانێ كوردستانێ، د روونشتنا ئه‌ڤرۆ دا رابوون ته‌وفیق مه‌عرووف ، ئه‌ندامێ په‌رله‌مانی ده‌ستژكاركێشانا خوه پێشكێشكر و پشتی كه‌تییه به‌ر ده‌نگدانێ، ب پرانییا ده‌نگان هات په‌سه‌ند كرن.
رابوون مه‌عرووف، به‌ریا نها ل سه‌ر لیستا ته‌ڤگه‌را گۆرانێ په‌رله‌منتارێ كوردستانێ بوو، لێ پشتی دروستبوونا لیستا نه‌وه‌یێ نوێ په‌یوه‌ندی ب وێ لڤینێ كر، د هه‌لبژارتنێن په‌رله‌مانێ ئیراقێ یێن دوازده‌ی گۆلانا ئه‌ڤ ساله دا ناڤهاتی خوه ل سه‌ر لیستا نه‌وه‌یێ نوێ به‌ربژار كربو و شیا كورسیه‌كی مسۆگه‌ر بكه‌ت.
