په‌رله‌مانی راگرتنا ده‌سته‌یا سه‌رۆكاتییا هه‌رێمێ په‌سه‌ندكر
په‌رله‌مانێ كوردستانێ ئه‌ڤرۆ كۆمبوو و بریار دا هه‌لبژارتنێن سه‌رۆكاتییا هه‌رێما كوردستانێ دگه‌ل یێن په‌رله‌مانی نه‌هێن كرن، هه‌روه‌ها ده‌سته‌یا سه‌رۆكاتیێ ژی راگرت.
هۆزان قادر په‌یامنێرێ وار ل هه‌ولێرێ راگه‌هاند؛ په‌رله‌مانێ كوردستانێ، ئه‌ڤرۆ ژ بۆ گۆتوبێژا 4 ته‌وه‌رێن سه‌ره‌كی كۆمببوو ژ وان، راگرتنا ده‌سته‌یا سه‌رۆكایه‌تییا هه‌رێما كوردستانێ.
دیار ژی كر، فراكسیۆنێن پارتی، گۆران و یه‌كگرتوو یا ئیسلامی پرۆژه قانوون ل دۆر ده‌سته‌یا سه‌رۆكاتیێ و هه‌لبژارتنا سه‌رۆكی ئاماده‌كربوون.
په‌رله‌مانێ كوردستانێ پشتی گۆتوبێژان، بریار دا هه‌لبژارتنێن سه‌رۆكاتییا هه‌رێمێ ل 30ی ئیلۆنێ دگه‌ل یێن په‌رله‌مانێ كوردستانێ نه‌هێن كرن، هه‌روه‌ها پرسا سه‌رۆكاتییا هه‌رێما كوردستانێ بۆ خولا بهێت یا په‌رله‌مانی بهێلیت.
په‌رله‌مانێ كوردستانێ د روونشتنا ئه‌ڤرۆ دا، پرۆژه قانوونا راگرتنا ده‌سته‌یا سه‌رۆكاتییا هه‌رێما كوردستانێ په‌سه‌ند كر.
هه‌ر یه‌ك، ژ راستڤه‌كرنا په‌یمانگه‌ها دادوه‌ری، هه‌روه‌ها پرۆژه بریارا پێشوازیان ل فرۆكخانه و ده‌ریێن سنۆری و په‌یره‌وێ ناڤخۆ كارنامه‌یا روونشتنا ئه‌ڤرۆ یا په‌رله‌مانی بوون.
