بۆ جارا 773ێ داخوازا دیتنا ئۆجەلانی ھات رەتکرن

تورکیا بۆ جارا 773یێ داخوازییا پارێزەرێن رێبەرێ زیندانیکریێ پارتییا کارکەرێن کوردستانێ دەربارەی دیدارا وی، رەتکر.
مەدیایێن پەکەکێ بەلاڤکرییە، دوھی بۆ جارا 773یێ داخوازییا هەژمارەکا پارێزەرێن عەبدوللا ئوجەلان رێبەرێ زیندانیکریێ پارتا کارکەرێن کوردستانێ پەکەکێ دەربارەی دیدارا وی ژ ئالیێ دۆزگەرییا گشتی یا کۆماری ل بۆرسایێ ڤە ھات رەتکرن.
گۆت ژی: ژ سالا 2011ێ تا نھا بۆ جارا 773یێ یە پارێزەرێن ئوجەلانی سەرەدانا زیندانا ئیمرالیێ دکەن داخوازا وان دھێتە رەتکرن.
ئاماژە ژی کر، داخوازاییا وان ب چەندین بەھانەیێن مینا رەوشا ئاوارتە، ره‌وشا نه‌لبار و ژ کارکەفتنا کەشتییان دھێتە رەتکرن.
ئوجەلان 18 سالە ل زیندانا ئیمرالیێ یه‌، داوی دیدارا پارێزەرین ئوجەلانی د گەل وی ژی بۆ 17ی تیرمەھا سالا 2011ێ ڤەدگەریت.